Бронни Вэр (Bronnie Ware) исемле паллиатив ярҙам шәфҡәт туташы үлем түшәгендә ятҡандарҙың иң ҙур үкенестәре исемлеген төҙөгән. Уның исемлеге ышандырырлыҡ күренә. Мин үҙемдең ошо 5 хатаның кәмендә 4-һен эшләгәнемде — эшләргә мөмкин булыуымды — күрә алам.
Әгәр уларҙы бер кәңәшкә тупларға тура килһә, ул бәлки: тешле тәгәрмәс (винтик) булмағыҙ, булыр ине. Был 5 үкенес постиндустриаль осор кешеһенең образын һүрәтләй: ул үҙен ялғаулы шарттарға яраҡлаштырып бәләкәйләтә лә, туҡтағансы буйһоноп өйөрөлә бирә.
Иң ҡурҡынысы шул: был үкенестәргә килтергән хаталарҙың барыһы ла — эш итмәү хаталары. Һеҙ хыялдарығыҙҙы онотаһығыҙ, ғаиләгеҙгә иғтибар итмәйһегеҙ, хистәрегеҙҙе баҫаһығыҙ, дуҫтарығыҙҙы ситкә ташлайһығыҙ һәм бәхетле булырға онотаһығыҙ. Эш итмәү хаталары — айырыуса ҡурҡыныс хата төрө, сөнки һеҙ уларҙы өндәшмәү (автоматик) рәүешендә ебәрәһегеҙ.
Мин был хаталарҙы яһауҙан ҡасырға теләр инем. Ләкин өндәшмәү рәүешендә эшләнгән хаталарҙан нисек ҡасырға? Идеалда һеҙ тормошоғоҙҙо башҡа автоматик көйләүҙәргә эйә булһын өсөн үҙгәртәһегеҙ. Әммә быны тулыһынса эшләү мөмкин булмаҫҡа ла бар. Был хаталар автоматик рәүештә килеп сыҡҡан саҡта, моғайын, уларҙы эшләмәҫкә кәрәклеге тураһында иҫегеҙгә төшөрөп торорға тура киләлер. Шуға күрә мин был 5 үкенесте киреһенә әйләндерҙем, һәм 5 бойроҡтан торған исемлек барлыҡҡа килде
Хыялдарыңды һанға һуҡмай ҡалма; сиктән тыш күп эшләмә; уйлағаныңды әйт; дуҫлыҡты үҫтер; бәхетле бул.
һәм мин уны үҙем эштәр исемлеге итеп ҡулланған файлдың иң башына ҡуйҙым.