Бронни Вэр (Bronnie Ware) есімді паллиативтік көмек мейіргері өлім аузындағы адамдардың ең үлкен өкініштерінің тізімін жасады. Оның тізімі шындыққа жанасатын сияқты. Мен осы 5 қатенің кем дегенде 4-еуін өзім де жіберетінімді — жібере алатынымды — байқаймын.
Егер оларды бір ғана кеңеске сыйғызу керек болса, ол мынадай болар еді: тетік (винтик) болмаңыз. Бұл 5 өкініш өзін жағдайына сай қалыпқа келтіріп, кейін тоқтағанша өз міндетін адал атқаратын постиндустриялық адамның бейнесін айшықтайды.
Ең қорқыныштысы, осы өкініштерге әкелетін қателіктердің бәрі — әрекетсіздік салдарынан туған қателіктер. Сіз армандарыңызды ұмытасыз, отбасыңызды ескермейсіз, сезімдеріңізді тұншықтырасыз, достарыңызға көңіл бөлмейсіз және бақытты болуды ұмытасыз. Әрекетсіздіктен болатын қателіктер — аса қауіпті қателік түрі, өйткені сіз оларды әдепкі бойынша (автоматты түрде) жасайсыз.
Мен бұл қателіктерден аулақ болғым келеді. Бірақ әдепкі бойынша жасайтын қателіктеріңізден қалай аулақ боласыз? Ең дұрысы — өміріңізді басқа әдепкі параметрлері болатындай етіп өзгерту. Бірақ мұны толығымен жүзеге асыру мүмкін болмауы мүмкін. Бұл қателіктер әдепкі бойынша орын алып тұрғанша, оларды жасамау керектігін еске салып отыру қажет болар. Сондықтан мен осы 5 өкінішті терістеп, нәтижесінде 5 бұйрықтан тұратын тізім жасадым
Армандарыңды ескерусіз қалдырма; тым көп жұмыс істеме; ойыңдағыны айт; достықты бағала; бақытты бол.
кейін оны өзім істер тізімі ретінде пайдаланатын файлдың ең басына қойдым.